Dè th’ ann an criomagan?
’S e a th' ann an criomagan ach faidhlichean teacsa beaga a bhios làrach-lìn Pàrlamaid na h-Alba a’ cur air a’ choimpiutair agad. Bidh iad a’ cuideachadh na làraich-lìn seo ag obair.
Bidh criomagan a’ tional fiosrachadh mu mar a chleachdas tu an làrach seo gus an dèan sinn cinnteach gu bheil e a’ coinneachadh ris na feumalachdan agad. Cha bhi iad a’ tional fiosrachadh a ghabhadh cleachdadh gus d’ aithneachadh gu pearsanta.
Mar a bhios criomagan ag obair
Bidh criomagan a’ stòradh fiosrachadh air an inneal a tha thu a’ cleachdadh. Aig amannan tha am fiosrachadh seo riatanach ma tha thu airson comasan làraich-lìn a chleachdadh. Mar eisimpleir, ma dh’fheumas tu logadh a-steach, leigidh criomag leis an làraich-lìn d’ fhiosrachadh logadh a-steach aithneachadh.
Faodar criomagan a chleachdadh cuideachd gus tuairisgeul dhed ghnìomhachd a chruthachadh air làrach-lìn. Tha seo a’ gabhail a-steach dè na duilleagan air am bi thu a’ tadhal agus dè cho fada ’s a chaitheas tu air gach duilleag.
Faodaidh làrach-lìn am fiosrachadh seo a chleachdadh gus na duilleagan a chì thu a dhèanamh freagarrach dhut nuair a thadhlas tu aig àm eile.
Tha liosta gu h-ìosal de mar a bhios Pàrlamaid na h-Alba a’ cleachdadh chriomagan.
Làimhseachadh no cur às do chriomagan
Leigidh a h-uile dreach a nochd bho chionn ghoirid de bhrobhsairean ainmeil, leithid Google Chrome, Internet Explorer no Mozilla Firefox, smachd a chumail air criomagan. Faodaidh tu do bhrobhsair a sheatadh gu:
- Gabh ris a h-uile criomag
- Diùlt gach criomag
- Gabh ri no diùlt cuid de chriomagan
Mar eisimpleir, is dòcha gum biodh tu toilichte gabhail ri criomag a leigeas leat logadh a-steach air làrach-lìn, ach gu bheil thu airson feadhainn a dhiùltadh a tha air an cleachdadh gus tuairisgeul a chruthachadh air mar a chleachdas tu an eadar-lìon.
Bu chòir dhut cuideachd a bhith comasach air do bhrobhsair a sheatadh gus innse dhut gach uair a thèid criomag a thabhann.
Tadhail air làrach-lìn Oifis Coimiseanair an Fhiosrachaidh gus faighinn a-mach ciamar as urrainn dhut criomagan a làimhseachadh no a sguabadh às.
Mar a bhios sinn a’ cleachdadh chriomagan
Bidh sinn a’ cleachdadh chriomagan airson dà adhbhar:
- gus a dhèanamh nas fhasa dhut an làrach-lìn a chleachdadh. Dh’fhaodadh seo a bhith a’ gabhail a-steach a dhèanamh nas luaithe agus nas fhasa dhut na tha a dhìth ort a lorg, no cuimhneachadh air na roghainnean agad.
- gus fiosrachadh a chruinneachadh mu mar a chleachdas tu an làrach-lìn againn tro Google Analytics (GA). Tha GA na inneal a bheir a-mach staitistig mhionaideach mu ghnìomhachd làraich-lìn. Leigidh e leinn faicinn far an urrainn don làraich-lìn coinneachadh nas fheàrr ri feumalachdan ar luchd-cleachdaidh.
Na criomagan a chleachdas sinn
| Ainm | Na bhios e a' dèanamh | Nuair a thig e gu crìch |
|---|---|---|
| SC_ANALYTICS_GLOBAL_COOKIE | Bidh e a’ leantainn ath-thadhal don làrach-lìn. | 10 bliadhna |
| ASP.Net_SessionId | Bidh e a’ cuideachadh le bhith a’ cur dàta ann an àite stòraidh sealach ('caching'). Nì e seo air cuid de rudan gus am bi an làrach-lìn ag obair nas fheàrr dhutsa. Mar eisimpleir, ma dh’atharraicheas tu an duilleag gu iomsgaradh àrd, cumaidh e an suidheachadh mar sin gus an dùin thu do bhrobhsair. | Bidh e a’ stòradh an t-seisein agad gu sealach gus an dùin thu do bhrobhsair. |
| ApplicationGatewayAffinity | Bidh e a’ clàradh dè am frithealaiche-lìn a tha ga chleachdadh. Cha leig thu a leas seo airson gum bi an làrach-lìn ag obair, ach bidh e ag obair nas fheàrr ma tha seo agad. Mar eisimpleir, le bhith a’ leigeil le duilleagan luchdachadh nas luaithe. | Bidh e a’ stòradh an t-seisein agad gu sealach gus an dùin thu do bhrobhsair. |
| ApplicationGatewayAffinityCORS | Tha e a’ dèanamh comasach an reat as fheàrr de fhreagairt eadar an neach-cleachdaidh agus an làrach-lìn. Cha leig thu a leas seo airson gum bi an làrach-lìn ag obair, ach bidh e ag obair nas fheàrr ma tha seo agad. Mar eisimpleir, le bhith a’ leigeil le duilleagan luchdachadh nas luaithe. | Bidh e a’ stòradh an t-seisein agad gu sealach gus an dùin thu do bhrobhsair. |
| website#lang | Sàbhalaidh e an cànan as fheàrr leat a chleachdadh air an làrach-lìn. Ma thèid a chur dheth bidh an làrach-lìn a’ tilleadh chun a’ chànain aice fhèin (an dara cuid Beurla no Gàidhlig a rèir dè an làrach air a bheil thu a’ tadhal). | Bidh e a’ stòradh an t-seisein agad gu sealach gus an dùin thu do bhrobhsair. |
| _ga (Google Analytics) | Bidh e a’ clàradh Fèin-aithne sònraichte a thèid a chleachdadh gus dàta staitistigeil a ghineadh air mar a chleachdas tu an làrach-lìn. |
2 bliadhna |
| _gat (Google Analytics) | Tha e air a chleachdadh le Google Analytics gus 'an ìre iarrtais' a throtadh. |
latha |
| _gid (Google Analytics) | Bidh e a’ clàradh Fèin-aithne sònraichte a thèid a chleachdadh gus dàta staitistigeil a ghineadh air mar a chleachdas tu an làrach-lìn. | latha |
| collect (Google Analytics) | Tha e air a chleachdadh gus dàta a chur gu Google Analytics mun inneal agad agus do ghiùlan brobhsaidh. | Bidh e a’ stòradh an t-seisein agad gu sealach gus an dùin thu do bhrobhsair. |